Presentación do libro "Cova Eirós. Primeras evidencias de arte rupestre Paleolítico en el Noroeste Peninsular"

O 27 de xuño ás 17 h. terá lugar na Sala de Profesores da Facultade de Xeografía e Historia da Universidade de Santiago de Compostela a presentación do libro “Cova Eirós. Primeras evidencias de arte rupestre Paleolítico en el Noroeste Peninsular” editado por Arturo de Lombera Hermida e Ramón Fábregas Valcarce (GEPN).

A publicación ten coma obxectivo dar a coñecer os resultados do estudo preliminar da arte parietal de Cova Eirós. A descuberta de varias manifestacións gravadas e pintadas no interior da cavidade supón o primeiro achado de arte rupestre Paleolítico en Galicia, cubrindo así un dos principais baleiros que existían na investigación en Galicia.

Os traballos de documentación multidisciplinar permitennos coñecer o tipo de pigmento utilizado e os motivos zoomorfos e xeométricos representados que nos achegan ó mundo simbólico dos grupos de cazadores recolectores que habitaron o Noroeste peninsular fai, tal vez, uns 20.000 anos.

Os exemplares do libro poden adquirirse a través da páxina web de Andavira Editora (www.andavira.com) a un prezo de 13€.